Во пријателски натпревар фудбалската репрезентација на Чешка со 7:1 убедливо ја совлада Малта.

По првото полувреме водеа Чесите со головите на Барак од пенал во шестата минута и Хитил во 44 минута.

Јурасек на стартот од вториот дел (48`) се погрижи за 3:0, а во 57 минута Хитил го запиша и вториот погодок на мечот.

Мбонг во 59 минута го постигна единствениот гол за Малта, а Лингр во 71 минута стрелаше за 5:1.

Јурасек по втор пат се запиша во листата на стрелците во 85 минута, а четири минути подоцна конечниот епилог го постави Черни.

Чешка се подготвува за настапот на Европското првенство (14 јуни – 14 јули) каде е во група со Турција, Грузија и Португалија.

Последниот тест пред учеството на ЕП избраниците на селекторот Иван Хашек ќе го имаат на 10 јуни во Храдец Кралове од 18.00 часот против Македонија.

Зајков пред Чешка: Да влеземе со повеќе самодоверба и се обидеме да дојдеме до поволен резултат