Официјално, поранешниот младински репрезентативец на Бугарија, Антон Карачанаков е новиот играч на Македонија ЃП.

Карачанаков кој претежно игра на крилниците позиции, до сега беше дел од второлигашки бугарски клуб Монтана, а претходно настапуваше и за Политехна Јаши во романската втора лига.

Воедно од клубот информираат дека на 21 јуни екипата ќе отпатува за Словенија и таму ќе ги продолжи подготовките од новата сезона каде ќе одигра четири пријателски натпревари.

На 23 јуни ќе тестираат против Марибор, три дена подоцна со Целје, на 29 јуни против Радомље и на 1 јули против Чукарички.

Иако пред 10 дена нови договори потпишаа Есмин Личина и Стефан Лазаревиќ, Македонија ЃП соопшти дека е завршена соработката со овие двајца играчи и им посака среќа во понатамошната кариера.