Иран ја слави првата победа на Светското првенство/Доха, Катар/25 ноември 2022/фото: EPA-EFE/Rungroj Yongrit

Буфон им се поклони на фудбалерите на Иран: За многумина вие сте херои, за мене пример

Еден од најдобрите голмани во историјата, Италијанецот Џанлуиџи Буфон (44) ја коментираше победата на Иран против Велс (2:0) во второто коло од групата „Б“ на Светското првенство во Катар.

– Ќе влезете во историјата поради вашата храброст. Денешната победа е знак на надеж и сила за оние кои се борат за слобода во вашата земја. За многумина вие сте херои, за мене пример – напиша чуварот на мрежата на Парма на Инстаграм.

Азиската селекција има три бода и во последното, трето коло ќе игра против САД на 29 ноември од 20.00 часот за пласман во осминафиналето на СП.

Иранците по шести пат во својата историја играат на Мундијалите и никогаш до сега не ја поминале групната фаза.

Прочитајте повеќе: Уште една „нула“ во Катар, Американците беа блиску да ја шокираат Англија

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот