Бројот на „романтични измами“ на Интернет е драстично зголемен: „Tinder Swindler“ не е единствениот пример
Деби Монтгомери Џонсон со години никому не кажала дека била жртва на романтична измама и дека дала повеќе од 1 милион долари на човек со кој верувала дека е во среќна интернет врска.
Препорачано
„Тоа не требаше да ми се случи мене“, вели Монтгомери Џонсон, поранешна офицерка за авијација. Тоа е реченица која често ја изговараат луѓе кои биле измамени од странци на Интернет на кои им верувале.
Но, десетици илјади луѓе секоја година стануваат жртви на романтични измами на Интернет, а нивниот број нагло се зголемил за време на пандемијата на ковид-19, особено за време на долгите карантини.
Федералната трговска комисија на САД, на која се пријавуваат измами, во 2021 година објави дека со романтични измами биле украдени рекордни 547 милиони долари, речиси 80 отсто повеќе за разлика од претходната година.
Овие бројки претставуваат кулминација на трендот што започна во првата пандемиска година. Во изминатите пет години биле пријавени повеќе од 1,3 милијарди долари, повеќе од кој било друг вид на измама. Но, Комисијата нагласува дека ова е само врвот на сантата мраз бидејќи голем број измами остануваат непријавени.
Тим МекГинис, основач на непрофитната организација „SCARS“ која се бори против романтичните измами, вели дека бројките пораснале поради „изолацијата, осаменоста и употребата на Интернет како практично единствена алатка за комуникација“ за време на пандемијата.
Нови трикови благодарение на ковид-19
Откажувањето на состаноци поради наводни позитивни тестови на ковид-19 и откажаните патувања поради целосно затворање на голем број држави во светот се трикови кои совршено се совпаѓаат со веќе испробаната практика на романтични измами, велат од Комисијата.
Една жртва од машки пол се пожалила на организацијата, која ја подигнува свеста за жртвите на Интернет измамите, дека епидемиолошките мерки ѝ дале на неговата наводна девојка совршен изговор да се извлече од тоа.
„Ковид-19 беше од корист за измамниците“, напишал тој.
На крајот пребарувал на Интернет користејќи фотографии што таа му ги испратила и сфатил дека тие припаѓаат на некоја друга личност, но тоа го сфатил дури откако потрошил 400.000 долари на такси за виза и други фиктивни итни трошоци.
Иако свеста расте во групите за поддршка, онлајн форумите, па дури и во неодамнешниот документарец на „Netflix“ наречен „The Tinder Swindler“, многумина сè уште се жртви на добро обработени измами, совршено дизајнирани со цел да допрат до срцата на жртвите.
Кога Монтгомери Џонсон, ја сфатила сериозноста на проблемот, решила да го сподели своето искуство. Имено, таа била искористена од маж кој ѝ станал близок за време на двегодишна измама што започнала во 2010 година. Таа јавно проговори за тоа, ја напиша книгата „The Woman Behind the Smile“ и се приклучи на организацијата „SCARS“ кој е во контакт со приближно седум милиони жртви од 2015 година.
„Барав некој на кој би можела да му се доверам“, открила Монтгомери Џонсон, која се приклучила на страниците за запознавање по смртта на нејзиниот сопруг. Таа вели дека не личи на неа да дава пари на начин на кој го правела тоа, но и дека мажот навистина знаел како да ја натера да се сожали.
„Тоа е професионална манипулација“, вели МекГинис, кој и самиот бил жртва на романтична измама, додавајќи дека овие состаноци „течат како нормален разговор, освен што се користат многу специфични манипулативни техники за да се започне подготовката“ на жртвата.
Измамниците, претежно со седиште во Западна Африка, преземаат лажни идентитети, често велат дека работат во странство и многу патуваат или се во војска, давајќи изговори со цел да избегнат средби во живо.
Периодот на интензивна комуникација е проследен со барања за испраќање пари за авионски билети, виза, медицински или други итни трошоци, но секогаш со ветување дека парите ќе бидат вратени веднаш штом конечно ќе се сретнат.
View this post on Instagram
„Никој не зборуваше за тоа“
Младите, исто така, се повеќе се жртви на измами. Комисијата наведе дека бројот на измамени Американци на возраст меѓу 18 и 29 години се зголемил повеќе од десет пати во периодот помеѓу 2017 и 2021 година.
Подемот на криптовалутите, исто така, го зголемил бројот на измами кои вклучуваат лажни инвестиции, ваучери за подароци на кои им се губи секаква трага, и слично.
МекГинис вели дека милениумците „почесто се измамени, но за помали суми пари“, додека постарите луѓе поретко се измамени, но за поголеми суми. Жртвите често го кријат своето искуство од другите, плашејќи се од осуда и премногу прашања.
Години откако била измамена, Монтгомери Џонсон слушнала за многу други луѓе кои претрпеле слична измама, „но никој не зборувал за тоа“.
