Британка украла петнаесет илјади фунти од заштедата на синот со аутизам, сите пари ги потрошила на себе
Мајка украла петнаесет илјади фунти од заштедата на својот син со аутизам и ги потрошила сите пари на себе. Судот во Борнмут ѝ одреди условна казна. Во текот на судењето се дозна дека Шерил Линс (47) ги земала парите наменети за терапија на нејзиниот син и ги потрошила на таксиња и шопинг.
Наведените пари ги заштедил згрижувачки родител кој се грижел за синот на Линс пред да биде сместен во Центарот за лица со посебни потреби. „Младиот човек има сериозни тешкотии во комуникацијата, има аутизам и не знае како да управува со сопствените пари“, изјави обвинителката Роуз Бурнс.
Mother, 47, who stole £15,000 in savings from her vulnerable autistic son and splashed the cash on herself is branded 'despicable' by judge but avoids jail
via https://t.co/Wpq6u3Kik9 https://t.co/XmgZzML76b— Anna Ratcliff (@Anna_Ratcliff_) February 20, 2024
Линс во петокот се изјасни за виновна по обвиненијата за измама со злоупотреба на положбата. Судијата рече дека нејзиното однесување заслужува презир и ја осуди Линс на две години условна казна. 47-годишната жена ја презела одговорноста за финансиите на нејзиниот син кога тој се преселил во Центарот во Борнмут на 18-годишна возраст.
Од 2017 до 2020 година, таа подигнала помеѓу 14.000 и 15.000 фунти од неговата сметка. Но, тогаш социјалниот работник се посомневал во измама и пријавил во полиција, пишува Дејли Мејл.
Адвокатот на Линс, Кристофер Пикс, пред судот изјави дека неговата клиентка не е професионален измамник и дека се кае за своите постапки. Рече дека и самата имала тешко детство, кое го поминала со разни згрижувачки родители. Таа ги украла парите бидејќи била во многу големи долгови, изјави Пикс.