Меѓународниот ден на жената, 8 март, денеска се слави ширум светот, сепак многу обожаватели на британското кралско семејство не беа задоволни честитката споделена на нивните официјални страници.

Имено, по повод празникот, на официјалните страници на кралското семејство беа споделени фотографии од женските членови на семејството, а овој колаж од слики ги вклучуваше кралицата Камила, принцезата Ана, војвотката од Единбург, кралицата Викторија, кралицата Александра, како и покојната кралица Елизабета Втора. Сепак, многумина забележаа дека принцезата Дијана и принцезата Кејт се изоставени од колекцијата.

 

View this post on Instagram

 

A post shared by The Royal Family (@theroyalfamily)

На социјалните мрежи брзо се појавија коментари, а обожавателите го изразија своето незадоволство.

Објаснување за отсуството на Кејт

Некои го бранеа пропустот, објаснувајќи дека објавата всушност ги слави портретите што жените ги направиле. Иако Кејт беше фотографирана од Мили Пилкингтон, тие најверојатно беа испуштени бидејќи Кејт има своја лична страница.

Принцезата Дијана во поинаков контекст

Сепак, покојната принцеза Дијана беше фотографирана од фотографката Џема Левин во соло фотосесија, што поткрена дополнителни прашања за нејзиниот пропуст.

Кејт и Вилијам го одбележаа настанот на свој начин

Иако Кејт не беше дел од официјалното соопштение, таа и нејзиниот сопруг, принцот Вилијам, на свој начин го одбележаа Меѓународниот ден на жената. Тие споделија список од 12 инспиративни жени кои ги запознале изминатата година. Меѓу нив се Клои Хопкинс, која ја води добротворната организација „Surplus to Supper“, Ивон Бернштајн, која го преживеала Холокаустот, и покојната Лиз Хатон, тинејџерка фотографка која се запознала со кралската двојка пред да почине од рак на 27 ноември 2024 година, пренесува „Она“.