Во првиот натпревар од третото квалификациско коло во Лига Европа во Босна и Херцеговина составот на Зрињски убедливо со 6:2 на домашен терен го совлада Бреидаблик.

Сите дилеми беа решени уште во првото полувреме кога босанскиот претставник водеше со огромни 5:0. А проблемите на гостите се зголемија и по двата жолти картони на Еинарсон во 31 минута.

По 56 минути игра веќе беше и 6:0 на теренот во Мостар, а Исланѓаните со играч помалку успеаја до крајот на мечот барем да го ублажат поразот и тоа со два голови постигнати во 64 и 74 минута.

Реваншот кој ќе се игра на 17 август од 19.30 часот во Исланд би требало да биде само формалност за фудбалерите на Зрињски.

Потсетување дека поразениот од овој двомеч во плеј-офот на Конференциската лига ќе игра против победникот од пресметката меѓу Струга Трим Лум и Есперанж.

Актуелниот македонски шампион во првиот меч одигран во Скопје триумфираше со 3:1 против тимот од Луксембург. Возвратниот дуел во Луксембург е на 17 август од 20.00 часот.