Болниците во Кабул преполни со ранетите од вчерашниот напад: „Погледите им беа целосно празни“
Докторите и медицинските сестри во Кабул цела ноќ работеле за да им пружат помош на луѓето повредени во вчерашните терористички напади во близина на аеродромот на Кабул. Во нападите беа повредени околу 150 лица, пренесува Би-Би-Си.
Болниците во Кабул се под голем притисок поради намалениот број на персонал откако Талибанците ја презедоа власта во Авганистан.
Хируршкиот центар во Кабул, управуван од меѓународната хуманитарна организација „Emergency“, соопшти дека примиле 60 ранети за помалку од два часа, од кои 16 биле прогласени за мртви при пристигнувањето.
Претседателката на „Emergency“ ,Росела Микио, која не е во Авганистан, рече дека персоналот што ги завршил смените продолжил да работи за да им помогне на ранетите.
Медицинскиот координатор објави шокантни информации на Твитер за пациентите кои беа примени во болниците.
"Those who arrived could not speak, many were terrified, their eyes totally lost in emptiness, their gaze blank. Rarely have we seen such a situation." Alberto, Medical Coordinator at @emergency_ngo hospital in #Kabul on today's attacks at #KabulAirport #Afghanistan
— EMERGENCY NGO (@emergency_ngo) August 26, 2021
“Тие беа ужаснати. Нивниот поглед беше целосно изгубен, празен. Ретко кога сме виделе вакво нешто”, објави тој.
