ФОТО | Блиска пријателка: Откриено со кого бил Џастин Тимберлејк кога бил уапсен поради возење во пијана состојба
Откако во јуни оваа година пејачот Џастин Тимберлејк беше уапсен поради возење под дејство на алкохол, одвреме-навреме се појавуваат нови детали од таа спорна вечер. Сега, пак, е откриено со кого бил Џастин таа вечер.
Препорачано
Сè повеќе се разоткрива што се случило ноќта кога Џастин Тимберлејк бил уапсен поради возење под дејство на алкохол. Како што наведува „Пејџ сикс“, Џастин Тимберлејк таа вечер бил излезен со пријателка, славната декораторка на ентериер Ести Стенли. Таа е негова поранешна деловна партнерка и поранешна стилистка на неговата сопруга Џесика Бил.
Тимберлејк беше уапсен поради возење во пијана состојба во Саг Харбор во средината на јуни, откако го напуштил хотелот „Американ“, каде што наводно испил едно мартини. Сега „Пејџ сикс“ открива дека Џастин таа вечер се дружел со дизајнерката на ентериер Ести Стенли и нејзиниот сопруг, продуцентот Брајан Фурст.
Инаку, Стенли претходно ја стилизираше Џесика Бил, но и други холивудски ѕвезди од А-листата како Деми Мур, Бред Пит и Пенелопе Круз за настаните на црвениот тепих, а Џастин и Џесика сè уште се блиски пријатели со неа.
Покрај тоа, Ести Стенли дури ја организираше нивната свршувачка во својот дом во Лос Анџелес во 2012 година. Покрај тоа што е стилист, Ести е и познат уредувач на ентериер, а ги уредувала и домовите на Мери Кејт и Ешли Олсен, Патрик Демпси, Леа Мишел, Џастин Тимберлејк и Џесика Бил. А во 2012 година, таа лансираше линија на домашни производи наречена „Хоумминт“ со Тимберлејк.
Инаку, Тимберлејк ноќта на апсењето не застанал на знакот стоп и бил запрен од полицаец, на кого, под дејство на алкохол, му рекол: „Ова ќе ми ја уништи турнејата“. А младиот полицаец, кој на почетокот не го препознал, го прашал пејачот „Која турнеја?“. Тогаш Тимберлејк одговорил: „Светската турнеја“.
Како што наведува „Пејџ сикс“, Стенли и нејзиниот сопруг вечерале со Тимберлејк таа вечер и биле со него во хотелот „Американ“.
Според извештаите, неидентификувани пријатели на пејачот го следеле неговиот автомобил и биле на местото на настанот обидувајќи се да ги убедат полицијците да го пуштат. Извори изјавиле за ТМЗ дека жената ги прашала полицајците: „Дали ќе го уапсите Џастин Тимберлејк? и понудила да го однесат дома. Тогаш ѝ било дозволено да го вози изнајмениот автомобил на Тимберлејк назад до својата куќа, откако тој бил уапсен, иако таа, исто така, наводно била под дејство на алкохол.
Инаку, во септември, Тимберлејк, кој го одбил алкотестот, се изјасни за виновен и доби намалена казна за возење во алкохолизирана состојба, па му беше наложено да плати казна од 500 долари со доплата од 260 долари, јавно да објави и да одработи 25 часа општествено-корисна работа.
