Ричард Гир со сопругата Александра Силва се појави на добротворен настан во Њујорк. Во убавата Шпанка беа вперени сите погледи.

Познатиот заводник Ричард Гир (72) првпат се појави во јавноста со 34 години помладата сопруга Александра Силва, откако тие тајно го добија второто дете.

Секогаш елегантниот Ричард гордо позираше покрај згодната Шпанка кој блескаше во темно син фустан и впечатливи обетки со реси.

Да се потсетиме, Ричард во 2020 година стана татко по втор пат. Неговата сопруга Александра Силва (39) роди машко дете, а породувањето беше извршено во тајност. Ова е нивниот втор син, првиот Александар, го добија во февруари 2018 година.

Инаку, Ричард од претходниот брак со Кери Ловел го има 20-годишниот син Хомер, додека Александра го има 7-годишниот Алберт.

Алекаандра инаку е од Шпанија и таа е активист и публицист. Таа се разведе од сопругот Говинд Фридленд во 2015 година, а непосредно пред разводот стапи во врска со Гир.