Експертот за меѓународни односи Себ Битиќи изјави дека предлогот на премиерот Еди Рама за Заедницата на српските општини, испратен до Германија и Франција, не му помогнал на Косово во преговарачката позиција, пишува Коха. Во емисијата „Интерактив“ на КТВ Битиќи истакна дека за Нацрт-статутот предложен од Рама нема да се расправа на преговорите во Брисел.

„Мислам дека предлогот што премиерот Рама го испрати до Германија и Франција не му помогна на Косово во преговарачката позиција и не мислам дека тоа е предлог за кој ќе се разговара во текот на преговорите“, рече Битиќи.

Според него, официјална Тирана треба да го поддржи Косово за другите земји да го гледаат како партнер, а не обратно.

„Од Тирана се очекува официјална поддршка и ние сме во контекст каде Косово има за цел да биде вклучено и гледано како партнер од другите земји, а токму во овој момент, со откажувањето на седницата на двете влади, Албанија покажува дека не гледа Косово како партнер“, додаде Битиќи