Победата над Косово секако им дава уште поголем поттик на нашите најдобри фудбалери да остварат добар резултат и во утрешниот натпревар против Естонија (18.00 часот).

Но, селекторот на македонската А репрезентација, Игор Ангеловски, се соочува со проблеми во составот за дуелот во Талин.

Поради повреди ќе недостасуваат Егзон Бејтулаи, Кристијан Тошевски и Аријан Адеми, а поради црвен картон (од дуелот со Ерменија) во составот за мечот со Естонија нема да биде ниту Висар Муслиу. Под знак прашалник е настапот на Стефан Ристовски.

Со евентуален триумф против Естонија на ова гостување ќе ги продолжиме добрите шанси за освојување на првото место во групата.

Сејдини: Бидете горди, вие сте нашата најуспешна генерација!

Имаме добар учинок во меѓусебните дуели со Естонците во досегашните мечеви, во пријателски натпревар на 31 август 1994 година триумфиравме во Скопје со 2:0. 10 години подоцна во Талин исто така во контролен меч во Талин бевме подобри со 2:4. Во квалификациите за ЕП 2008 повторно го освоивме Талин (0:1), а во главниот град ремизиравме 1:1.

Во наша корист оди и податокот што Естонија нема триумф од март минатата година кога со само 0:1 славеше кај Гибралтар, оттогаш во последните 11 натпревари има дури 10 порази, извлече едно реми на гости кај Белорусите.