Средношколците кои ги исполнуваат условите за користење на бесплатен јавен превоз и оваа година имаат право на бесплатен превоз за време на летниот распуст, соопшти ЈСП Скопје.

-Правото на бесплатен превоз за време на претстојниот распуст е согласно Програмата за активностите на Град Скопје од областа на средното образование во 2023 година, која, меѓудругото, вели „со почетокот на 2023 година учениците од средните училишта на Град Скопје ќе имаат можност да користат бесплатен превоз и за време на зимскиот и летниот распуст и на овој начин непречено да ги извршуваат своите училишни обврски за посетување на феријална пракса и практикантска обука…“, се вели во соопштението.

Од 12 јуни јавниот превоз ќе функционира по летен возен ред, а распоредот е достапен на веб-страницата на ЈСП Скопје.