Бела Хадид закопчана до врат, но сепак успеа да ја „запали“ јавноста! (ФОТО)
Славната манекенка Бела Хадид, неодамна беше прогласена за најубава жена на светот. Научници кои што се воделе по теоријата на златниот пресек, ги анализираа дури и најмалите детали од нејзиното лице, како големината и положбата на устата, носот, брадата, јаболчниците и вилицата, па дојдоа до заклучок дека таа всушност има совршени пропорции. Така таа успеа позади себе да остави бројни други познати убавици.
Но, покрај тронот на убавината, Бела од неодамна се наоѓа и на модниот трон, а својот статус на модна икона одново и одново го потврдува.
Еден поглед кон нејзиниот стајлинг и тоа веднаш ќе ви открие кое модно парче ќе се носи во наредната сезона. Така неодамна прошета со кожна јакна која сега сите ја сакаат, а на нејзините обожаватели не им побегнаа ни гломазните чизми кои таа обожава да ги носи. Исто така, таа редовно се наоѓа на листата за најдобро облечени дами, што не е ни чудо бидејќи нејзиниот стил го карактеризираат смелоста и предизвикот.
Токму таково храбро и предизвикувачко модно парче, подигна прашина помеѓу нејзините обожаватели.
Всушност, Хадид овој пат одлучи да се закопча до грло, па облече наизглед досаден комбинизон со ролка, но доколку погледнете повнимателно, ќе сфатите дека станува збор за поприлично самоуверен избор. Освен тоа што црниот тесен комбинизон со потпис на Александар Венг ја истакнува витката фигура на овој супермодел, тој е украсен со впечатливи бисери на необични места, па асоцира на пирсинг на брадавиците и папакот.
Својот изглед го надополни со ретро фризура и обетки кои висат, така што уште еднаш потврди дека модата ја „врти“ на мал прст.
За да ја нагласи сензуалноста на ова парче, Бела позираше мудро за социјалните мрежи што ја „заскокотка“ имагинацијата на фановите и заработи бројни комплименти.
