Манекенката Бела Хадид, која по потекло е од Палестина, сподели симболична фотографија на својот Инстаграм профил и уште еднаш го изрази својот став за случувањата во Палестина.

Во нејзиниот пост, Хадид изјави:

 „Секогаш е и секогаш ќе биде. Корените во земјата, корените во нашата крв, корените во нашите срца, корените на палестинската култура и историја, тоа се длабоки корени. Никој никогаш не може да ни ги одземе корените без разлика на моќта, парите или личностите“.

Таа понатаму тврди дека она што го поседува палестинскиот народ секогаш ќе напредува и никогаш нема да биде заборавено.

„Нашиот народ, моите предци, Палестинците се моментално погодени од овој ужас, не само во Газа, туку и на Западниот Брег, и сите тие ги заслужуваат основните човекови права. Тие ја заслужуваат слободата да доаѓаат и да си одат како што сакаат“.

 

View this post on Instagram

 

A post shared by Bella ? (@bellahadid)

На крајот, таа испрати јасна порака: „Палестина секогаш ќе им припаѓа на Палестинците“.

Нејзината објава наиде на голем број позитивни коментари, од кои некои беа: „Ми се допаѓа што си бестрашна“, „Ви благодариме што ги искористивте вашата платформа за да зборувате за Палестина“, „Горди сме на вас“.

За потсетување, Бела Хадид и претходно проговори за ситуацијата во Палестина, а пред неколку месеци беше отстранета од реклама по критиките од Израел за нејзината поддршка за Палестина. По двегодишна пауза, Бела се врати на модната писта во септември минатата година.