Македонскиот шампион Шкендија направи важен чекор кон групната фаза на УЕФА Лига Европа со триумф над бугарскиот првак Лудогорец.

На Националната арена „Тодор Проески“ во Скопје, фудбалерите на Шкендија со 2:1 славеа против бугарскиот Лудогорец од Разград.

– Видовме еден убав натпревар и една убава победа за Шкендија. Тоа беше постигнато со позитивна игра од моите фудбалери. Секако, грешките постојат во фудбалот, ние направивме некои грешки во делот на одбраната, а со оглед на тоа против каков тим игравме на теренот, грешките и невниманието се казнуваат. Екипата на Лудогорец е сè уште фаворит во овој двомеч, но наше е да се обидеме да го дадеме својот максимум и во реваншот и да ги исполниме нашите обврски, да го почитуваме дресот, да прикажеме убава игра и зошто да не се квалификуваме за Лига Европа – рече тренерот на Шкендија, Бесарт Ибраими.

Реваншот во Разград е закажан за следниот четврток на 28 август со почеток од 19.30 часот, а Шкендија ќе се обиде да го повтори успехот на Вардар од 2017 година и да обезбеди место во групната фаза на Лига Европа.

Потсетување дека победникот од овој двомеч ќе игра во лигашката фаза на Лига Европа, а поразениот во Конференциската лига.

ФОТО+ВИДЕО: Бугарскиот шампион падна во Скопје, Шкендија чекори кон Лига Европа!