Каталонскиот клуб ќе му понуди на Меси четиригодишен договор, и ако го исполни до крај, Меси ќе има 36 години, пренесува „ЕСПН“.

Неговиот важечки договор трае до летото 2021 со можност за продолжување на уште 12 месеци. Доколку ја прифати новата понуда, тоа ќе биде 10 договор со Барселона во неговата кариера.

Тој е дете на Барселона, минатата сезона учествуваше во 34 натпревари од „Ла Лига“, во кои постигна 36 гола и запиша 13 асистенции.

Да додадеме уште дека играчот од средниот ред на Барса, Хрватот Иван Ракитиќ, за „АС“ вели дека сака да остане, но не исклучува други можности за неговата иднина.

Се шпекулира и натаму дека Бразилецот Нејмар кој досега ги бранеше боите на ПСЖ би можел да се врати во својот поранешен клуб.