Главниот преговарач на ЕУ за Брегзит, Мишел Барние, постави нов краен рок за договор со Лондон. Тој предупреди дека преговорите со Велика Британија за трговски договор нема да продолжат по среда, објави Гардијан.

Барние ги информираше европратениците и амбасадорите на земјите-членки во Брисел за ситуацијата околу тековните разговори со Лондон. Францускиот дипломат истакна дека разговорите не се далеку од завршување. Според него, разговорите се очекува да продолжат до средината на неделава, но не и после тоа.

И на двете страни им треба време да ратификуваат договор. Од друга страна, од Даунинг стрит соопштија дека гласањето за новиот закон, кој го прекршува договорот за напуштање на Унијата, ќе се одржи во среда. Брисел смета дека гласањето е пресвртна точка.

Висок дипломат на ЕУ коментира дека сè уште не е познато каков ќе биде крајниот резултат.