Фудбалската репрезентација на Македонија со пораз дебитираше на Европските првенства. Фудбалерите се поразени од Австрија со 3:1, а еден од најстандардните репрезентативци Енис Барди вели дека противникот беше подобар во најважните моменти од натпреварот.
– Мислам дека ова беше добар натпревар за нас. Добро почнавме, но нормално е дека ќе биде многу тешко, тоа и го очекувавме. Мислам дека во одредени моменти ние бевме подобри од Австрија која своите шанси си ги искористи. Среќен сум што сме дел од Европското првенство, екипата е жива и дава се од себе и продолжуваме понатаму, не очекуваат уште два натпревари. Сега треба да одмориме и да ги анализираме грешките на овој натпревар. Да ги одмориме и главите, и да се фокусираме на натпреварот против Украина. Мислам дека малку ни фали да бидеме поопасни во нападот во некои ситуации. Исто така им благодарам на навивачите, додека бев во карантин добив голем број на пораки од нив, а и сега беа одлични. Тие се нашиот 12 играч – вели Барди.