Бајден избра нов министер за одбрана: Генералот кој служеше во Ирак ќе биде првиот Афроамериканец на чело на Пентагон
Новоизбраниот претседател на САД, Џо Бајден ќе го именува пензионираниот генерал на војската, Лојд Џеј Остин за иден министер за одбрана.
Остин, кој ги надгледуваше американските сили во Блискиот исток во мандатот на претседателот Барак Обама, исто така ќе стане и првиот Афроамериканец на чело на Пентагон. Изборот на Бајден го потврдиле лица кои побарале да останат анонимни до официјалната најава.
Остин ќе треба да добие дозвола од Конгресот бидејќи поминаа помалку од потребните седум години откако служел во војска.
SCOOP: It's done—Biden has selected Retired Gen. Lloyd Austin to lead the Pentagon, and will announce his nomination tomorrow. w/@laraseligman @tylerpager @connorobrienNH https://t.co/PidjAhC9AQ
— Natasha Bertrand (@NatashaBertrand) December 7, 2020
Остин во Ирак ја предводел 3-тата пешадиска дивизија за време на инвазијата во 2003 година. Тој се врати во Ирак на чело на американските сили во септември 2010 година и таа должност ја вршеше до 2011 година, кога САД се повлекоа.
Една година подоцна, Обама го именуваше за командант на Централната команда, задолжена за 20 земји во Блискиот исток и централна Азија.
Извор: Блиц.рс