Арифи: Меѓународната правда не е таква каква што Курти мисли дека е
Поранешниот главен преговарач на Приштина во дијалогот со Белград, Авни Арифи, смета дека косовскиот премиер Албин Курти мора позитивно да одговори на поканата на ЕУ за средба со српскиот претседател Александар Вучиќ, бидејќи, како што додава, во спротивно ЕУ ќе мисли дека двајцата лидери си „играат со нив“ јави Газета Блиц.
Курти мора позитивно да одговори на барањето на ЕУ за каква било средба за да се деескалира ситуацијата, инаку ЕУ со право мисли дека Курти и Вучиќ играат пинг-понг со нив“, вели Арифи.
Тој нагласува дека уапсените косовски полицајци ќе бидат ослободени поради притисокот на ЕУ и САД.
„Киднапираните полицајци ќе бидат ослободени не поради ставовите на Курти, туку поради притисокот на ЕУ и САД“, посочува тој.
Според него, за Косово би било погубно доколку ситуацијата ескалира и вината падне на Косово бидејќи, додаде, мора да научи дека меѓународната правда не е она што Курти мисли.
„Би било катастрофално за Косово доколку дојде до ескалација, каде што Косово ќе ја преземе вината за ова. Косово треба да научи дека меѓународната правда не е она што Курти мисли дека е. Косово треба да размисли дали е подготвено да плати за каузата на „правдата“ на Курти“, рече Арифи.
Политичкиот аналитичар Халил Матоши смета дека средбата ќе се одржи и дека „тактиката на Курти и Вучиќ кој е посилен“ е при крај.
„Верувам дека средбата ќе го направи тоа и дека на тактиката и споредбата на Вучиќ со Курти, во деструктивната конкуренција кој е посилен, ќе дојде крајот“, вели тој.
Според Матоши, мерките почнале да се заоструваат.
Тој се надева дека Курти ќе го спречи заострувањето на мерките со обновување на соработката со Америка.