Масимилијано Алегри ќе остане на клупата на Јувентус до крајот на сезоната, потврди вечерва првиот човек на клубот Андреа Ањели.

Јуве загуби од Макаби во Хаифа и е блиску до елиминација од Лигата на шампионите, но и покрај тоа Ањели не размислува за негова замена.

– Тешка ноќ, дојде моментот кога треба да анализираме што се случува. Ова е еден од најтешките периоди и моментот за преземање одговорност. Макс Алегри е нашиот тренер и ќе остане таков, имаме целосна доверба во него. И јас се чувствувам посрамотено и луто, но ова не е ситуација кога треба да обвинувате само една личност, туку целиот тим. Не се Алегри и нашиот играч и лекарот или физиотерапевтот. Имаме девет натпревари за 30 дена и колку што е можно да направиме добри резултати. Можам да потврдам дека Алегри ќе остане наш тренер до крајот на сезоната – рече Ањели.

Формата на „Старата дама“ е лоша, а после денешниот дебакл остануваат минимални шанси за пласман во нокаут-фазата во ЛШ.

Следниот меч Јуве во елитното европско клупско натпреварување ќе го има на 25 октомври кај португалската Бенфика.