Свое место на листата на најбогати луѓе во регионот што ја објавува српскиот „Недељник„ го има и Андреа Јосифовски од компанијата Макпетрол. Според листата, тој е на 45 место по богатство во регионот со проценета вредност од 565 милиони евра.

Како што пишува Недељник листата на 100-те најбогати луѓе во регионот ја составиле експерти од две реномирани консултантски фирми кои работат на Њујоршката берза. Тие ги користеле најавторитетните мултипликатори на Stern School of Business Универзитетот во Њујорк.

„Со листата не сакавме да покажеме колку пари имаат овие бизнисмени во моментов. Она што сакаме да кажеме е колку вредат нивните компании и колку пари би можеле да добијат, ако денес се продадат“, пишува Недељник.

Во првиот дел на листата на милијардери од регионот, на 18. место се најде бизнисменот од Кавадарци Илија Гечев, сопственик на ИГМ Трејд чие богатство се проценува на милијарда и 60 милиони евра.

На листата објавена денеска од 31-то до 40 место, но на милионери се најде бизнисменот Живко Мукаетов, генерален директор и претседател на Управниот одбор на фармацевтскиот гигант АД Алкалоид од Скопје. Неговото богатство се проценува на 651.330.000 евра и тој е на 38. место.

Живко Мукаетов од Алкалоид на 38. место во регионот по богатството