Какво оружје може да добие Украина и каква разлика би можела да направи американската помош од 61 милијарда долари во обидот да го запрат рускиот напредок?

Системите за противвоздушна одбрана, ракетите со среден и долг дострел и артилериските гранати остануваат најитните оружја што и се најнеопходни на украинската војска, пишува „BBC“.

Противвоздушна одбрана

Одбивањето на руската закана од небото е од витално значење за заштита на градовите и критичната инфраструктура како што се енергетските централи.

Минатата недела украинскиот претседател Володимир Зеленски рече дека неговата земја била нападната од речиси 1.200 руски проектили, повеќе од 1.500 беспилотни летала и 8.500 наведувани бомби само оваа година.

Украина има разновидни системи испорачани од Западот, почнувајќи од ракети со краток дострел Стингер, кои може да се лансираат од страна на само еден човек до напредниот – и исклучително скап – систем Патриот.

Зеленски рече дека се потребни уште најмалку седум системи Патриот, или некој друг еквивалент на нив.

Руските крстаречки и балистички ракети – вклучително и преработените ракети земја во воздух од системите С-300 и С-400 – заедно со стотици беспилотни летала Шахид-136 од иранско производство. Киев има потешкотии да се справи со толку голем обем на лансирања.

Класична тактика за надминување на противвоздушната одбрана е системите да се преплават со цели, а со тоа да се окупира нивното справување и следење на радарските системи и да се исцрпат залихите.

Ракети со среден до долг дострел

Но, војната на теренот е од витално значење. Од октомври, Украина загуби речиси 583 квадратни километри од својата источна територија, најмногу поради недостаток на артилерија.

Артилериските ракетни системи со висока мобилност „HIMARS“ одиграа клучна улога за Украина, со испорака на наведувана муниција од мобилна платформа.

Војниците ја откриваат локацијата, поставуваат координати и пукаат, по што следи брзо преместување на системот пред руските сили да го лоцираат и нападнат. Очекувањата се зголемување на способноста на „HIMARS“ во Украина, а можеби и потреба за повеќе тенкови и борбени возила на пешадијата, Бредли.

Значајно е што се вели дека верзијата со долг дострел на тактички ракетни системи на американската армија „ATACMS“ е подготвена за пренос.

Постарите системи „ATACMS“ се во земјата од крајот на минатата година, но поновата верзија може да го удвои опсегот до 300 километри. Тоа ја води борбата подлабоко во анектираниот Крим, кој Русија го користи како главна доброутврдена поморска база.

Артилериски гранати

И да не заборавиме на главното оружје, Хаубиците М777 треба да се „хранат“ со континуирана испорака со артилериски гранати од 155 мм.

Соединетите Држави испратија 2.000.000 вакви гранати во Украина од февруари 2022 година и најверојатно ќе бидат испратени повеќе во овој најнов пакет.

Соединетите Држави имаат, како што ја нарекуваат, „многу робусна логистичка мрежа“ за брзо снабдување со оружје таму.

„Како што правевме во минатото, можеме да се движиме во рок од неколку дена“, изјави за новинарите минатата недела портпаролот на Пентагон, генерал-мајор Пет Рајдер.

Залихите најверојатно се преместени поблиску до Украина, а откако ќе бидат предадени тие официјално стануваат сопственост на Украина. Но, доаѓањето на опремата до линијата на фронтот – особено артилериската опрема – може да потрае многу денови или дури недели, додека руските сили продолжуваат со ударите на исток.

…и борбени авиони Ф-16

Овие летала се договорени пред оваа транша од готовина, но сега се забележливи бидејќи се блиску до стапување во употреба.

Украинските пилоти и екипажи ја продолжуваат обуката за конверзија во западни авиони Ф-16, моментално во Романија. Овие повеќенаменски авиони обезбедуваат посилна способност воздух-воздух и воздух-земја, а со тоа потенцијално ја подобрува украинската воздушна одбрана.

Данска, Холандија и САД очекуваат да го испорачаат првиот од десетиците „Vipers“ на Украина во рок од неколку месеци. Авионите нема да бидат промена на играта, туку уште една значајна алатка во стремежот на Киев.

Москва се оградува, велејќи дека Ф-16 нема да направи голема разлика на бојното поле и дека ќе бидат соборени од руските сили.