Една од најголемите американски рафинери, „Valero Energy“ го надмина својот нето приход за повеќе од половина во првиот квартал во споредба со претходната година, а заработката ја надмина проценката на аналитичарите во услови на тесни залихи на сурова нафта на почетокот од годинава.

„Valero“ ја отвори сезоната за известување за приходите во четвртокот, објавувајќи нето приход од 1,3 милијарди долари, или 3,82 долари по акција, за првиот квартал.

Заработката на рафинеријата по акција за првиот квартал од 2024 лесно ја надмина консензуалната проценка на аналитичарите од 3,22 долари, составена од „The Wall Street Journal“.

Аналитичарите очекуваат нарушувања на глобалниот тек на нафтените продукти, сè уште силни маржи на рафинирање и намаленото користење на рафинериите во САД, кои ќе ја зајакнат кварталната заработка на американските нафтени рафинери во првиот квартал од 2024 година. Се очекува профитот да биде помал отколку во 2022 година, кога руската инвазија на Украина ги помести пазарите и ги зголеми маржите за рафинирање, но американските рафинери се уште се подготвени во наредните денови да пријават силна заработка за првиот квартал од годината, велат аналитичарите со кои разговараше „Ројтерс“.

Помалиот руски капацитет за рафинирање поради нападите со украински беспилотни летала ги зголеми глобалните маржи за рафинирање на почетокот на оваа година и ги затегна некои регионални пазари за гориво.

Дополнително, маржите во САД беа зголемени и со планираните и непланираните прекини во рафинериите, вклучително и рафинеријата Вајтинг, Индијана, БП, која беше затворена во поголемиот дел од февруари и половина на март по прекинот на електричната енергија што предизвика привремено исклучување на објектот.