Алкараз е првиот Шпанец со триумф на мастерсот во Мајами
Карлос Алкараз уште еднаш потврди дека е иднината на тенисот и вистински наследник на Рафаел Надал, освојувајќи ја титулата на мастерс турнирот во Мајами.
Препорачано
Алкараз во финалето го победи Каспер Руд со 7:5,6:4 и стана првиот шпански тенисер кој триумфирал на мастерсот во Мајами. Притоа 18-годишниот Алкараз стана и третиот најмлад победник на турнир од серијата мастерс по Мајкл Ченг и Рафаел Надал кои исто така имаа по 18 години кога славеа на мастерсите во Торонто 1990 година, односно Монте Карло во 2005 година.
Youngest ATP Masters 1000 champions:
1. Michael Chang – 18 years, 157 days
2. Rafael Nadal – 18 years, 318 days
3. CARLOS ALCARAZ – 18 years, 333 days@alcarazcarlos03 #MiamiOpen pic.twitter.com/fQFFRZPnB4— Tennis TV (@TennisTV) April 3, 2022
– Рано е да почнам да опишувам како се чувствувам. Го освоив првиот мастерс во кариерата. Му честитам на Каспер кој оваа година дефинитивно може да направи големи рабори годинава – изјави Алкараз по победата.
На претходниот мастерс турнир во Индијан Велс, Алкараз стигна до полуфиналето, а годинава одигра 20 меча и оствари дури 18 победи. Единствените порази ги забележа од Матео Беретини со 3:2 во сетови на Австралија Опен и од Рафаел Надал со 2:1 во Индијан Велс.
