Алијанса за Албанците бара ДЗР да ги истражи злоупотребите во Клиниката за онкологија и во другите клиники
Оваа Влада, шампион на скандали, се обидува да ги релативизира и да ги прати во заборав истите. Ова е неколкугодишна практика којашто многу им штети на граѓаните и го нарушува имиџот на јавните институции, нагласуваат од Алијанса за Албанците.
-Универзитетската клиника за онкологија веќе неколку месеци ја тресе злоупотребата на лековите кои се применуваат на приватни пациенти во име на починати пациенти и со тоа незаконски се збогатува дел од раководството, но и други вработени во клиниката. Медицинскиот директор, д-р Нино Васев поднесе оставка, а организациониот директор Нехат Нухи и понатаму продолжува да ја врши функцијата, иако има одредени индиции дека и тој е дел од злоупотребите. Според информациите, група вработени ги претставиле како болни своите роднини со онколошки дијагнози C.34, D.64.9, C.34.9, наводно лекувани со скапи лекови, но никогаш не биле хоспитализирани и им недостасуваат патохистолошките резултати, со што уште повеќе се потврдува организираниот криминал, потсетува АА.
Алијанса за Албанците бара од Државниот завод за ревизија што поскоро да го истражи случајот и да се процесуира од страна на јавното обвинителство, со можност на проширување на истрагата и во другите клиники.
-Сето ова со цел за да се стави крај на овој ланец на криминал којшто многу му наштетува на итака нискиот буџет на здравствените јавни институции, реагира Алијанса.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот