Британскиот актер Џулијан Сендс (65) исчезнал минатиот петок додека планинарел на планината Балди во Калифорнија, соопштија од канцеларијата на шерифот во Сан Бернардино.

 

View this post on Instagram

 

A post shared by The ensemble theatre co of ny (@thelioninwinterny23)

Откако му се губи секоја трага на 13 јануари, спасувачите излегле на терен во потрага по Сендс, но поради лошите временски услови и заканата од лавина морале да ја прекинат потрагата, рекла Глорија Хуерта, портпаролка на канцеларијата на шерифот, пренесе „Си-ен-ен“.

Официјалните лица ја продолжиле потрагата со дронови, но и тоа е ограничено поради времето, додала таа.

Канцеларијата на шерифот во Сан Бернардино неодамна ги предупреди планинарите да ја избегнуваат планината Балди планина поради силните ветрови и мразот.

Во објава на Фејсбук таа навела дека во претходните четири недели спасувачките екипи реагирале 14 пати на таа планина и во околината.

„Овие спасувачки мисии беа за изгубени, заглавени или повредени планинари. За жал, во текот на претходните четири недели, двајца планинари не го преживеаја падот. Неодамнешните снежни и ледени бури не се поволни за планинарите, дури и за оние кои мислат дека се многу искусни“, порачале од канцеларијата на шерифот.

 

View this post on Instagram

 

A post shared by King James (@jamesgay55)

Во последните четири недели, полицијата и другите служби примиле 14 повици за помош од планината Балди и околината.

Властите им порачуваат на планинарите „да размислат двапати и да внимаваат на предупредувањата“ поради неповолните временски услови.

Сендс е познат по филмовите „Room with a view“, „Death Fields“, „Leaving Las Vegas“, а една од последните улоги ја оствари во серијата „What/If“ на Netflix.

 

View this post on Instagram

 

A post shared by Anna Silvia Armenise (@anna.silvia.armenise)