Актерката Кира Најтли проговори за мајчинството: Ова ми е најтешката улога!
Британската актерка Кира Најтли пред 4 години роди ќерка, а денес вели дека улогата на мајка ѝ е најтешка до сега во кариерата. Актерката изјавила дека е свесна за тоа дека се наоѓа во позиција каде што може да ѝ дозволи се на својата ќерка, дури и повеќе дадилки кои ќе се грижат за неа, но сепак не е толку едноставно.
„Не постои ништо привлечно во тоа што моментално се обидувам да контролирам едно 4-годишно девојче, така што не сум интересна на медиумите. Мислам дека на жените не им се оддава доволно чест за менталниот и физичкиот маратон низ кој поминуваат откако ќе станат мајки“, изјавила актерката.
Кира и нејзиниот сопруг Џејмс Ригтон често во медиумите зборуваат за тоа како доаѓањето на нивната ќерка на овој свет ги направило подобри личности и дека улогата на родители донела голема одговорност во нивните животи, но истакнуваат дека денес е многу тешко да се одгледуваат деца и да се биде голем професионалец во овој свет.
„Свесна сум дека доаѓам од привилегирана средина, бидејќи имам кариера и можам да си дозволам чување на дете, но и понатака мајчинството ми е многу тешко“, искрено одговорила Кира.
