Ако не можеш да го победиш, прифати го: Австралија ќе дозволи вештачка интелигенција во училниците
Уреди со вештачка интелигенција, вклучувајќи го и виртуелниот соговорник Четџипити, ќе бидат дозволени за користење во сите училишта низ Австралија почнувајќи од идната учебна година.
Националната платформа за вештачка интелигенција едногласно го прифати овој предлог од регионалните министерства за образование. Конечниот предлог треба да биде објавен деновиве, а ќе се применува од в година.
– Четџипити нема тукутака да си замине, а наскоро ќе стане помагало, какви што се калкулаторите или интернетот. Мораме да научиме како да го користиме. Учениците веќе го користат за пишување домашни задачи. Да бидам искрен, мораме да ги стасаме – изјави федералниот министер за образование Џејсон Клер.
Австралиските професори беа меѓу првите што расправаа дали да забранат или да го промовираат користењето вештачка интелигенција на Универзитетите. Притоа се разгледуваше можноста испитите да се полагаат усно или со молив и хартија.