Познатиот бренд за спортска опрема „Adidas“ произведе патики во чест на „Југопластика“, кои имаат историско значење за кошарката на крајот на минатиот век.

Целна на ексклузивната верзија на „Adidas“ како што е наведено во објавата на социјалната мрежа Инстаграм, е тоа дека ја слават кошаркарската култура на Балканот.

„Нешто Европско! Ексклузивна верзија на „Adidas Forum High“ со кои ја славиме беспрекорната кошаркарска култура на Балканот“, пишува во објавата на официјалниот профил на „BSTN Store“.

Патиките се бели со сини и жолти елементи, во ретро стил, а на страната пишува „Jugoplastika“ во чест на трикратниот европски шампион.

Од компанијата велат дека патиките ќе бидат во ограничени количини и ќе можат да се добијат во наградна игра“, пишуваше во нивната објава.

Инаку, за време на цутот на Југославија сплитскиот кошаркарски клуб беше наречен „Југопластика“ според поранешната фабрика која годишно произведувала 4,5 милиони спортски торби за „Adidas“.