„Металците“ успешно го започнаа вториот турнир од АБА 2 лигата кој се одржува во Бања Лука, вечерва триумфираа против словенечкиот Хелиос со резултат 69:70.

За Хелиос доминираше Махковиќ со 21 поен, по пет скока и асистенции, а во победничките редови на МЗТ Скопје Аеродром Олуџоби забележа 16 поени и четири скока, додека Бојиќ имаше четири коша помалку.

Се одиграа уште два меча, Борац Бања Лука-Сутјеска 100:93 (по едно продолжение) и Студентски центар-Горица 61:59.

Моментно на табелата МЗТ се наоѓа на втората позиција со девет бодови, еден помалку од водечкиот Студентски центар од Црна Гора. Во следното шесто коло кое е на програмата на 22 јануари ,од 13.00 часот играчите на Ѓорѓи Кочов ќе се соочат со Слобода Ужице.

Потсетување дека вториот македонски претставник, Работнички нема да биде дел од наредните три натпреварувачки рунди поради коронавирус во своите редови.