Министерот за труд, вработување, боречки и социјални прашања на Република Србија Никола Селаковиќ ќе ја предводи државната делегација на одбележувањето 111 години од Кумановската битка.

Одбележувањето ќе биде во 12 часот во Спомен-костурница на брдото Зебрњак.

Битката кај Куманово претставува прв поголем вооружен судир во Првата балканска војна меѓу српската и турската војска на 23 и 24 октомври 1912 година.

Во српската војска имало повеќе четнички одреди составени од македонско население, како и месни селски чети. Во турската војска, исто така, имало македонско население, особено во редифските, т.е. во резервните формации. Според планот на српската Врховна команда, направен на 22 октомври, првата битка со турската војска била предвидена да се води во реонот на Овче Поле, претпоставувајќи дека тука се концентрирани главните турски сили.

Во Кумановската битка, српската војска изгуби 687 војника, 3.280 биле ранети и 597 исчезнати. Турска Вардарска армија, пак, претрпела пораз со 1.200 загинати, 3.000 ранети и 327 заробени војника