Погледнете ја седмата епизода од СПорткаст на „Слободен печат“. Гостин на водителот Стефан Крстески е Горан Андреевски, кошаркарски тренер со над 20 годишно искуство и основач на кошаркарскиот клуб „Водно Санс“.

Со Андреевски разговаравме за неговото детство, за првиот контакт со кошарката, за играчката кариера. Андреевски раскажа и за повредата на грбот поради која морал да прекине да игра кошарка. Горан, кој беше и селектор на јуниорската кошаркарска репрезентација која ова лето ја освои европската Б-дивизија раскажа и за лошите услови кои им биле овозможени од КФСМ за подготвителниот период како и за притисоците кои ги имал. Во седмото издание на СПорткаст, пред камерите на „Слободен печат“, Горан раскажа многу анегдоти и интересни приказни, а меѓу тие приказни е и една блескава партија на неговиот ученик Андреј Магдевски во дресот на „Водно Санс“ на пријателски натпревар против Партизан, и поради неговата игра, сегашниот македонски репрезентативец потпишува за црно-белите од Белград.