Вечерва се емитува седмата епизода на СПорткаст на „Слободен печат“.

Гостин во седмото издание на СПорткаст е Горан Андреевски, основач на кошаркарската школа „Водно Санс“. Андреевски беше предводник и на јуниорската кошакарска репрезентација на Македонија, која ова лето, ја освои европската Б-дивизија. Со Андреевски разговаравме за неговото детство, почетоците во кошарката, за повредата поради која морал да ја заврши играчката кариера. Во разговорот кој траеше повеќе од два часа, Андреевски ни раскажа како дошло до тоа да влезе во тренерските води, за основањето на КК „Водно Санс“, за продажбата на Андреј Магдевски во белградски Партизан. Горан отворено зборуваше и за лошите услови кои им биле овозможени на „златните“ јуниори од страна на КФСМ и за притисоците кои ги имал од луѓето вработени во Федерацијата.

Разговорот со Горан Андреевски ќе можете да го проследите вечерва со почеток од 20 часот, на јутуб-каналот на „Слободен печат“.