Вечерва се емитува втората епизода од СПорткаст на „Слободен печат“, а гостин е спортскиот новинар Бошко Тасиќ. Ќе ја слушнете неговата лична приказна, разговаравме за неговото детство, љубовта кон пишаниот збор и спортот, почетоците во новинарството, кариерните подеми и падови како и тоа коjа му е најголема поддршка во животот.

Тасиќ ни ги открива и најинтересните моменти во неговата кариера како и чувството да се биде присутен и известува од единственото големо натпреварување каде што фудбалската репрезентација учестувала – „Еуро 2020“. Исто така Тасиќ ја раскажа и атмсоферата на стадионот „Ренцо Барбера“ по голот на Александар Трајковски со кој ја остави Италија без пласман на Мундијалот во Катар.