Третиот тенисер во светот, Германецот Александер Зверев, доживеа вистинска драма на патот кон Париз, откако во авионот со кој патувал удрил гром. Инцидентот се случил додека Зверев патувал на Ролан Гарос, вториот грен-слем турнир во сезоната, кој започнува в недела.

По пристигнувањето во Париз, Зверев одржа прес-конференција на самиот комплекс каде се игра турнирот и пред новинарите ги сподели вознемирувачките детали за непријатното искуство што го доживеал при патувањето.

„Требаше да полетаме синоќа во 18:45, но гром удри во авионот. Мораше итно да слетаме назад во Хамбург“, откри Зверев, додавајќи дека, иако немало турбуленции, се слушнала гласна експлозија која предизвикала вознемиреност кај патниците.

Поради принудното слетување, германскиот тенисер во Париз пристигна со значително задоцнување, наместо попладне, неговиот лет полетал дури по полноќ, а слета околу 3 часот наутро. И покрај доживеаната стресна ситуација, Зверев успеа да го одработи планираниот тренинг и да се појави пред медиумите.

Зверев и оваа година ќе биде меѓу главните фаворити на Ролан Гарос, особено по минатогодишниот успех кога стигна до големото финале.

German tennis player Alexander Zverev said Friday his plane was hit by lightning on the way to Paris for the French Open and had to turn around, delaying his arrival for the clay-court Grand Slam tournament. https://t.co/Xlf7EtK3Ha

— Washington Times Sports (@WashTimesSports) May 23, 2025