Светскиот ден без градник е во октомври, а имаме ли одговори на прашањата дали неносењето градник предизвикува опуштање на градите, дали е поздраво да не се носи и дали има некакви здравствени придобивки од носењето градник?

Научниците немаат цврст став за дебатата дали треба да се носи градник или не. Меѓутоа, кога станува збор за неносење градник, постојат неколку можни предности.

Постои причина зошто соблекувањето на градникот на крајот од денот е толку добро. Имено, крвта во градите тогаш почнува слободно да циркулира бидејќи градите повеќе не ви се стиснати.

Ова особено се однесува на оние кои носат градник со погрешна големина, поради што се чувствуваат во поголемиот дел од денот ги стега.

Придобивките од неносењето градник

Студијата од 2018 година сугерира дека носењето градник ја ограничува подвижноста на рамената, па исфрлањето на градникот од вашата рутина може да помогне.

Колку почесто не носите градник, толку поудобно ќе се чувствувате со текот на времето. Можеби на почетокот ќе ви биде непријатно, но голема е веројатноста дека ќе се навикнете по извесно време. Освен тоа, ако сте навикнати да спиете со градник, некои истражувања сугерираат дека можеби ќе спиете подобро кога ќе се ослободите од него.

Веројатно многупати сте забележале израстоци на кожата од триењето на градникот со вашата кожа на истото место… Откачувањето на градникот може да ви помогне да избегнете дел од тоа триење или иритација на кожата, или барем да се одморите од тоа.

Без стегање на градникот, вашите мускули на градите и грбот можат да се активираат, природно потпирајќи ги вашите гради. Оваа зголемена мускулна активација може да доведе до подобро држење на градите со текот на времето.

Освен тоа, дозволувањето на вашите гради да се движат слободно може да ја подобри циркулацијата и лимфната дренажа, што потенцијално може да ја ублажи непријатноста и да го намали ризикот од проблеми како масталгија (болка во градите).

Имајте на ум дека се потребни повеќе истражувања за целосно да се разбере вистинскиот опсег на овие придобивки, а нивниот ефект може да варира, во зависност од типот на вашето тело и начинот на живот.

Недостатоци од неносење градник

Постојат и некои недостатоци од неносењето градник. За луѓето со поголеми гради (корпа Ц и погоре), неносењето градник со текот на времето може да придонесе за опуштање на градите, но повеќето од главните фактори за опуштање сè уште се поврзани со: тежината на ткивата на градите, индексот на телесната маса (БМИ), повеќекратните бремености, генетиката, промени во телесната тежина и пушењето.

Уште еден можен недостаток за луѓето со поголеми гради е болката во грбот. Носењето правилно прилагоден и соодветен градник може да помогне да се намали притисокот врз грбот.

Се разбира, правилно прилагоден и удобен градник може да ги држи вашите гради на место во текот на денот, помагајќи ви полесно да се движите и да вежбате.