Следува студен бран, од четврток и петок ќе има повремени врнежи од дожд, а на повисоките планини на северозапад ќе има услови и за повремен снег. Ќе дува умерен до засилен северен ветар, со значителен пад на дневните температури, информира Управата за хидрометеоролошки работи (УХМР).

Времето в среда ќе биде променливо облачно со сончеви периоди. Ќе дува слаб до умерен северен ветар. Попладне и во текот на ноќта ќе има повремен локален дожд.

Облачно и постудено со повремени врнежи од дожд, нѐ очекува в четврток. На повисоките планини на северозапад ќе има услови дождот повремено да преминува во снег. Ќе дува ветар од северен правец, умерен до засилен. Температурите ќе се движат од минималните 4–11 степени Целзиусови, а максималните дневни температури од 5–13 степени Целзиусови.

Времето в петок и натаму ќе биде облачно и свежо, со повремени врнежи од дожд и услови за повремен снег на високите северозападни планини. Северен ветер, умерен до засилен. Минималните температури ќе изнесуваат 0–6 степени Целзиусови, а максималните 6–12 степени Целзиусови.