Заврши зимскиот преоден рок на фудбалскиот пазар во најсилните европски лиги, а го одбележаа клубовите од Англија. Во понеделникот на 3 февруари на полноќ се спушти завесата на преодниот рок во најквалитетните европски лиги.

Апсолутен рекордер е Манчестер сити. Тимот на Пеп Гвардиола инвестираше дури 180 милиони фунти (околу 218 милиони евра) за нови засилувања. Граѓаните во еден момент потрошија повеќе од преостанатите 19 премиерлигашки клубови заедно. Тоа се промени во последниот час до полноќ, а на крајот преостанатите тимови во англиската елитна лига вложија вкупно 192 милиони фунти (околу 231 милион евра) за нови играчи.

Кога ќе се соберат тие две цифри, се добива цифра од 447 милиони евра, колку што потрошиле заедно сите клубови од Премиер лигата, вклучително и Манчестер сити во зимскиот преоден рок. За споредба, 20-те клубови од шпанската Ла Лига заедно инвестираа „само“ 26 милиони евра во потписи оваа зима.

Најскапите 10 фудбалски трансфери во зимскиот преоден рок

По Премиер лигата, која е убедливо прва со 447 милиони евра, доаѓа италијанската Серија А со 221 милион евра. Трета е француската Лига 1 со 204 милиони евра, а четврта е германската Бундес лига со 167 милиони евра. Шпанија е убедливо последна меѓу „топ пет лиги“ со споменатите 26 милиони евра.

Ако ги погледнеме другите лиги ширум светот, клубовите од Саудиска Арабија потрошија многу повеќе од шпанската и германската лига – 173 милиони евра.

Американците – МЛС лигата – потрошија повеќе од Шпанците – 139 милиони евра. Дури и Втората лига на Англија – Чемпионшип 95,6 милиони евра.