Лејн Хорвич, шармантна 101-годишна жена од Илиноис, Америка стана вистинска инспирација откако ѝ бил дијагностициран рак на дојка на 100-годишна возраст – само два месеци откако го прослави својот голем роденден.

Но, и покрај сè, Лејн одлучила да го прифати предизвикот и да се подложи на операција. Денес, на 101 година, таа гордо ја носи титулата – здрава.

Нејзината приказна за борбата и победата над болеста, која ја сподели со медицинската група „Ендејвор хелт“ ги освои социјалните мрежи. Лејн избра лумпектомија – операција за отстранување на тумор од дојката – бидејќи за неа тоа била „најпрактичната и најдобрата опција“ што ѝ овозможува да продолжи да живее активен и независен живот.

„За мене, на мои години, дијагнозата на рак на дојка беше нешто со кое можев да се справам. Знам дека не е исто за 30-годишна жена која има рак и може да има последици што го менуваат животот, но на мои години, срцев удар или мозочен удар може да ме остави парализирана. Затоа решив да го послушам моето срце – и лекарите“, рекла Лејн.

 

View this post on Instagram

 

A post shared by Endeavor Health (@endeavorhlth)

Нејзината докторка, д-р Кетрин Пес од болницата Хајленд Парк, била импресионирана од храброста на Лејн.

„Сите во ординацијата беа воодушевени од нејзиниот дух и закрепнување“, рекла д-р Пес.

Лејн открила дека тајната лежи во тоа да се остане активна: „Читам, играм карти и секогаш правам нешто. Редовно играв тенис до моите 92 години! Се обидувам да направам сè што можам за да останам активна и здрава.“

Лејн, исто така, им кажува на жените да не го игнорираат она што ги мачи: „Побарајте стручна помош и работете на она што ве мачи. Имав среќа да ја пронајдам д-р Пес и одличен тим.“