Жена тужи ресторан откако наводно џвакала дел од човечки прст во салатата што ја нарачала
Американката Алисон Кози од Гринич, Конектикат поднела тужба против ланецот ресторани „Чопт“ поради салатата за која тврди дека содржела дел од прстот на менаџерката на ресторанот.
Препорачано
„Си-би-си њуз“ (CBS News) известува дека тужбата била поднесена во понеделникот против ресторанот лоциран во планината Киско, државата Њујорк.
A customer has filed a lawsuit against the fast-casual chain Chopt over a salad that she says contained a piece of the manager’s finger. https://t.co/tWFQcuHzqS
— CBS News (@CBSNews) November 29, 2023
Во тужбата се наведува дека Кози била во тој ресторан на 7 април 2023 година и за време на оброкот сфатила дека „џвакала дел од човечки прст што бил измешан и зачинет внатре во салатата“. Наведено е и дека менаџерката на ресторанот случајно отсекла дел од показалецот на левата рака додека сечкала салата.
„Менаџерката отишла во болница, но салатата со дел од прстот им била послужена на гостите, меѓу кои била и Кози“, се вели во тужбата.
Поради ова, здравствената управа на округот Вестчестер го казни ресторанот со 900 долари.
Кози во тужбата навела дека претрпела повреди вклучувајќи шок, напади на паника, мигрена, когнитивно оштетување, гадење, несвестица и болки во вратот и рамената поради јадење салата со дел од човечки прст. Таа бара парична отштета, чија висина не е прецизирана.
