Жена од Тексас е обвинета за закана дека ќе го убие судијата кој го надгледува кривичното дело против поранешниот американски претседател Доналд Трамп. 43-годишната Абигејл Џо Шри, наводно, се јавила на судот во Вашингтон на 5 август и употребила расистичка навреда во нејзината порака за американската окружна судијка Тања Чуткан.

Шри, исто така, наводно се заканувала дека ќе убие демократски член на Конгресот. Таа го признала повикот откако истражителите го следеле нејзиниот телефонски број, се вели во судскиот документ, пишува Би-Би-Си.

Во повикот, Шри, наводно, и рекла на судијката, која го надгледува случајот за изборен заговор против Трамп: „Ти си ни на мета, сакаме да те убиеме“.

Обвинителите велат дека Шри се заканила дека „ако Трамп не биде избран во 2024 година, доаѓаме да ве убиеме“.

Повикувачот, исто така, им се заканувала на сите демократи во Вашингтон и на ЛГБТИ заедницата, се вели во судската пријава.

Таа, наводно, и се заканувала дека ќе ја убие конгресменката Шила Џексон Ли, демократка од Тексас која се кандидира за градоначалник на Хјустон.

Кога федералните агенти го посетија домот на Шри во предградието Алвин во Хјустон три дена подоцна, таа рекла дека немала намера да оди во Вашингтон за да ги изврши нејзините закани, се вели во судската пријава.