Српскиот кошаркарски клуб Партизан и легендарниот тренер Жељко Обрадовиќ се договорија за продолжување на соработката.

Според најавите најдобриот европски тренер на сите времиња ќе продолжи да ги води белградските „црно-бели“ од клупата и во наредниот период.

Тоа е епилогот на неколкумесечните шпекулации дали и под кои услови ќе продолжи соработката меѓу двете страни.

Обрадовиќ дојде во Партизан во летото 2021 година и потпиша тригодишен договор кој истекува на крајот од оваа сезона.

Постигнат е договор за нова соработка на две години, а во оваа прилика претседателот на КК Партизан, Остоја Мијаиловиќ денеска во 15.00 часот ќе има вонредно обраќање пред медиумите.