Зеленски вели дека недоаѓањето на Бајден на миривниот самит за Украина е „аплауз за Путин“

Зеленски и Бајден / Фото EPA-EFE/MICHAEL REYNOLDS

Американскиот претседател Џо Бајден треба следниот месец да присуствува на планираниот мировен самит во Швајцарија за Украина со цел средбата да биде успешна, изјави денеска украинскиот претседател Володимир Зеленски на прес-конференција во Брисел.

Отсуството на Бајден ќе биде од корист за рускиот претседател Владимир Путин, кој издаде наредба за инвазија на Украина во 2022 година, рече Зеленски, пренесе Хина.

Украина се надева дека ќе биде домаќин на што е можно повеќе земји во обид да го обедини меѓународното мислење за тоа како да се запре војната и да се изврши притисок врз Русија, која веќе зазеде речиси една петтина од територијата на Украина.

Вашингтон даде поддршка за самитот, но не кажа дали Бајден ќе присуствува на него.

-Знаеме дека САД го поддржуваат самитот, но не знаеме на кое ниво, рече Зеленски на заедничката прес-конференција со белгискиот премиер Александер Де Кро.

„Отсуството на Бајден би било аплауз за Путин“, рече тој.

Зеленски пред два дена побара од Бајден и кинескиот лидер Си Џинпинг, блискиот сојузник на Путин, да присуствуваат на самитот.

Русија неколку пати наведе дека не гледа никаква смисла за учество на оваа најавена конференција.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот