ЗАПАЛИ ДЕТСКА ГРАДИНКА: 17-годишен КОСОВЕЦ уапсен во Германија
Германската Федерална полиција, во понеделникот уапси 17-годишен Косовец, кој е осомничен за подметнување на пожар во детска градинка во Еркрат. ДПА.де информира дека тој бил уапсен по враќањето од Косово на аеродромот во Дизелдорф. За подметнувањето на пожарот е обвинет уште еден 17 годишник.
Полицијата го бараше 17-годишникот со две потерници, информираа федералните власти. Освен подметнување на пожар, тој е обвинет и за шест кражби, пренесува Албинфо.
Двајцата млади се обвинети дека во јули 2019 година се обиделе да скршат дел од ограда на детската градинка со помош на камен од калдрма и откако овој обид им пропаднал, тие се сомневаат дека запалиле неколку перници.
Како последица на тоа детската градинка беше уништена речиси целосно. Другиот 17-годишник, според податоците на истражителите го призна делото на почетокот на август.
Во тоа време полицијата информираше дека врши истрага против уште едно лице. И како што изјавил за ДПА полициски портпарол, станувало збор токму за младиот Косовец, кој бил приведен во понеделникот.