Калифорнија станува првата сојузна држава во која наставниците и вработените во образовните институции ќе мораат да бидат вакцинирани. Тие имаат рок до почетокот на новата учебна година во САД, да бидат вакцинирани против коронавирусот или да се тестираат еднаш неделно, пренесува АП. 

Гувернерот на државата, Гевин Њусом, изјави дека таквите мерки се планирани поради загриженоста околу ширењето на заразниот делта сој. 

Задолжителната вакцинација се однесува и на приватните и државните училишта. Вакцинирани ќе бидат преку 800 илјади вработени. 

Во Калифорнија летниот распуст заврши, а во некои училишта наставата почна да се одржува со физичко присуство.