Заборски: За првпат македонски каратисти се на највисокиот пиедестал на една европска универзијада
Македонската универзитетска карате репрезентација успеа во најтешката дисциплина борби мажи екипно, да го освои златниот медал. Ова е прв златен медал за Македонија од една европска универзијада во екипна конкуренција.
Препорачано
Успехот го постигнаа со четири победи следните репрезентативци Петар Заборски, Петар Спасеновски, Давид Петков, Глигор Петков и Димитар Илиевски. Во Финалната борба нашиот тим беше поуспешен од Украина и ја совлада со резултат 3:1.
– Постигнавме голем резултат, за првпат на една европска универзијада македонските карате спортисти во екипна конкуренција се на највисокиот пиедистал. Задоволството е огромно во целиот тим. Екипниот медал е секако најтежок за освојување и затоа сите многу сме среќни.
Успехот е поголем бидејќи Давид Петков успеа и во поединечна конкуренција во тежинската категорија – 67 кг. да освои златен медал и заедно со бронзата на Ангела Мојсовска во категоријата – 68 кг. нè прави да бидеме многу горди. Вкупниот биланс од оваа универзијада за Македонија се два златни медали и еден бронзен медал – рече Бошко Заборски, селекторот на репрезентацијата на Македонија.
Во големото финале Петков со 2:0 триумфираше против Габриел Матијас Паула од Португалија.
