Заборавете на грубите пешкири: Со овие едноставни трикови ќе им ја вратите мекоста
Пешкирите се едни од најважните предмети во секојдневната употреба, но по некое време тие можат да станат груби и помалку пријатни за употреба. Иако сите сакаме нашите пешкири да останат меки и пријатни, често се случува со текот на времето да ја изгубат својата мекост.
Препорачано
Сепак, постојат неколку едноставни трикови кои можете да ги примените за да ги одржите пешкирите меки и пријатни на допир, а не бараат многу труд.
Потопете ги во сода бикарбона пред перење
Сода бикарбоната е многу корисна во домаќинството, а нејзината чудотворна моќ може да помогне да се зачува мекоста на пешкирите. За да ги омекнете пешкирите, наполнете ја кадата со топла вода и на секои четири литри вода додадете околу 130 грама сода бикарбона. Убаво измешајте ја водата за сода бикарбоната да биде рамномерно распоредена, па во овој раствор натопете ги крпите.
Оставете ги во вода неколку часа или уште подобро преку ноќ. Откако ќе се најдат во растворот, измијте ги во машина за перење како и обично, но не додавајте омекнувач.
Користете помалку омекнувач
Иако многу луѓе мислат дека омекнувачите ги прават пешкирите помеки, тие всушност можат да имаат спротивен ефект. Имено, омекнувачите содржат хемикалии кои на ткаенината создаваат слој налик на восок, што може да ги направи пешкирите погруби по неколку миења. Ако сакате вашите пешкири да останат меки, намалете ја употребата на омекнувач или целосно избегнувајте го. Наместо омекнувач, можете да користите природни алтернативи кои нема да влијаат на мекоста на вашите пешкири.
Користете оцет при миење
Еден од наједноставните трикови за омекнување на пешкирите е да користите бел оцет. Оцетот делува како природен омекнувач кој помага да се одржи мекоста на пешкирите. За да го постигнете ова, едноставно истурете половина чаша бел оцет во преградата за омекнувач на вашата машина за перење. Оцетот не само што ја омекнува ткаенината, туку ги отстранува и остатоците од детергентот што може да ги направи пешкирите груби.
Со овие едноставни трикови можете да уживате во меките и пријатни пешкири, какви што беа кога првпат ги купивте. Клучот е да користите природни алтернативи кои нема да ја оштетат ткаенината, а вашите пешкири ќе бидат меки и миризливи.
