Повеќе од 5 милиони Американци само изминатата недела поднеле барање за добивање парична помош од државата поради губење на работното место, соопштуваат американските власти.

Сега вкупниот број на лица кои побаруваат ваква помош за само четири недели достигна 22 милиони, со што е речиси избришано зголемувањето на работни места отворени по Големата рецесија од 2008 година, пренесуваат медиумите.

Бројот на нови апликанти е малку поголем од прогнозата на економистите кои биле анкетирани од компанијата „Дау Џонс“, а кои очекуваа 5 милиони барања.

Сепак новиот број на барања бележи пад во однос на претходните две седмици, кога овие цифри надминуваа 6,6 милиони, но покажува дека штетата која ја трпи американскиот пазар на труд поради пандемијата од корона вирусот и понатаму останува длабока.